吳卓羲在新劇中艷福無邊，一日內先後與陳凱琳和何佩瑜（Jeana）兩位靚女拍床上戲，卻被好兄弟黃宗澤揶揄：「佢仲走嚟同我訴苦囉。」卓羲即反擊謂只是向他攞經驗。不過，卓羲自嘲第一次有如此待遇，要多謝樂小姐派福利！

演員黃宗澤、吳卓羲、陳凱琳、苗僑偉、張兆輝、吳岱融、黃智雯和陳山聰等前晚出席邵氏網劇《飛虎極戰》煞科慶功宴，期間別開生面頒發多個獎項答謝演員，早前拍攝時被車撞到飛起的梁烈唯獲頒「最大難不死獎」，認真搞笑。

陳凱琳踢爆吳卓羲艷福無邊，有日上、下午連拍兩場床戲，吳卓羲笑說：「早上同陳凱琳，下午就同何佩瑜拍。（有冇比較吓佢哋？）我唔做呢啲嘅，只係投入劇中，哈哈。」黃宗澤則笑說：「但佢走嚟同我訴苦囉，話一日要同兩個人拍床戲。」吳卓羲反擊：「我問你攞經驗啫。」艷福不淺的吳卓羲透露兩場床戲尺度不是很激，因要在電視播放，只是以丟滿地下的衫褲交代，他笑說：「拍劇以來最爽今次，第一次咁好福分，多謝樂小姐（樂易玲）同編劇。」

有份拍床戲的陳凱琳苦笑自嘲是受害者，問拍親熱戲前可有向男友鄭嘉穎「備案」？她說：「都有講過吓。（叫男友不要看你的親熱戲？）我會叫佢唔好拍親熱戲，哈哈。」旁邊的吳卓羲則笑說：「其實我都驚(o架)，唔知嘉穎點諗，唔怪得唔聽我電話啦。」

而黃宗澤劇中與王敏奕有感情線，但沒床戲，就算親嘴戲也只是蜻蜓點水，他笑說：「愛情動作戲就由吳卓羲做，動作戲就交晒畀我，我連身體接觸都冇呀。」至於苗僑偉和張兆輝在酷熱天氣下完成此劇，當中苗僑偉扮演警官要西裝骨骨，為顧及形象，焗到成身汗黐立立有苦自知。張兆輝則笑謂大家平時有做運動，加上識得避暑，故沒中暑。

文：影視組