美國才藝比賽真人騷《全美一叮》今季冠軍得主昨日誕生！由12歲天才「腹語女」Darci Lynne大熱勝出，贏得約780萬港元獎金！而9歲「香港小巨肺」譚芷昀（Celine Tam）雖未能進入決賽，但前日獲偶像莎蓮迪安（Celine Dion）邀請擔任演唱會嘉賓，一樣威到盡！
雖然譚芷昀於《全美一叮》未能打入最後十強參加決賽，卻傳來喜訊。被Celine視為超級偶像的加拿大靚聲天后莎蓮迪安（Celine Dion）前日在社交網Twitter留言鼓勵她，並邀她擔任其演唱會嘉賓：「恭喜！你喺《全》表現得好好！如果你同家人去開拉斯維加斯，我樂意邀請你做我個騷嘅表演嘉賓！」以回應上星期Celine在社交網留言表示希望有日能與莎蓮合唱一事。
Celine的經理人蕭定一昨晨得悉後向本報回應：「Celine依家返咗學，呢件事實在係匪夷所思，夢想成真！」問到有否立即計劃幾時過去，他說：「溝通中，我哋喺電郵聯繫緊，佢已正式邀請我哋！佢哋表示開始籌備，有進一步消息再通知我哋！」
至於Celine亦在社交網留言：「讚美主！我實在唔能夠相信！我嘅夢想成真！多謝我嘅偶像Celine Dion回應我並邀請我去佢喺拉斯維加斯個騷！my heart will go on with you forever！莫講話我幾時真係飛過嚟見你，同你在台上唱歌……Wow！剩係你畀我嘅留言已經令我唔能夠停止尖叫幾日，lol。獻畀我所有擁有夢想嘅Fans，追逐並達到夢想，而最重要就係……當你相信你就會做到！」 至昨午，Celine再於社交網Instagram多謝Fans的支持，並叫人努力追夢。此外，她又再次多謝莎蓮令她美夢成真。查實在準決賽時，《AGT》的製作人已預視Celine成名後，莎蓮會主動邀她合唱，但於當時拍攝的夢想片段中，Celine卻請莎蓮「食檸檬」，更寸嘴表示要睇自己個「檔期」先！
另外，Celine因返學而未能即場睇直播見證《AGT》今季新盟主誕生，但昨日她於社交網分享與冠軍「腹語女」Darci Lynne的合照並留言：「恭喜你Darci贏咗《全美一叮》，以及所有入圍決賽嘅人士，你哋今晚表現出色！大家一齊相信自己嘅夢想！my heart will go on with you。」
文：外娛組