黃俊豪細個有胸被當妹妹

何超蓮舊愛黃俊豪（Jeremy）是不少MV的男主角，任模特兒的他身形高大，是一名陽光男孩，但原來Jeremy小時候是位肥仔，更被取花名為肥豪，沿用至今。果然「仔大十八變」，每個肥仔都是潛力股！Jeremy憶述兒時被家人強制游泳減肥，但最後竟愈來愈肥，他解釋：「因為佢哋畀咗張會所會員卡我，每次教練狠狠地要我練水兩個鐘，我會求佢早15分鐘落堂，之後用張會員卡買我鍾意食嘅Fish & Chips同Burger，所以愈游愈肥。」他更自爆小時候曾被認錯做女仔：「因為我皮膚白，又見到有啲胸，企廁所門口等媽咪，成日畀啲嬸嬸叫我做妹妹。」