陳嘉茵愛犬外向似主人

藝人陳嘉茵（Kayan）愛心爆棚，養了一隻10個月大、叫「小新」的比熊犬。Kayan表示養狗是因為牠們很可愛及忠心，好像有一個伴永遠陪伴左右：「當有唔開心嘅時候，見到佢個心情就會冇咁Down，而小新都會好開心過嚟搵我。」她覺得小新性格似主人，同屬外向型：「佢成日都想出街，出到街又不停撩其他狗玩，就算未出到去，只係喺架車度都好似蓄勢待發咁，雙腳不斷震，就好似表達緊『我要出去啦』咁！」而小新對住Kayan都有Sweet的一面：「平時做嘢做到好夜，返到屋企見到佢，佢都會用一個期盼嘅眼神望住我，因為佢有個籠嘅，一放佢出嚟就想我抱住，好黐身。」Kayan透露平日都有約朋友一起放狗，但坦言有時工作忙碌，就會兩星期才放一次，但會盡量抽時間陪小新在家中玩。