問咩都答同一句 古天樂講起宣萱「播錯帶」
影星古天樂、林家棟、雪兒和陳漢娜主演的電影《殺破狼．貪狼》叫好叫座，在港錄得近800萬元票房，在內地更勁收逾5億元，成績斐然。台前幕後前晚在灣仔舉行慶功宴，更齊撐古天樂奪金像影帝，對此古天樂表示交命運安排：「最開心係套戲個個都滿意。」
提到老拍檔宣萱日前表示與古天樂旗下經理人公司合作，古天樂即「回帶式」重複答相關問題：「啊，呢個要問番我經理人。」再問他會否想同宣萱在幕前再合作？他卻「播錯帶」又答同一句：「啊，呢個要問番我經理人。」之後才察覺，並表示都想合作，更讚她「逆生長」：「佢最犀利係冇咩變，但演技不斷進步。」
林家棟屎渠邊開工
慶功宴上，眾人即席為本月23日生日的陳漢娜慶祝，電影公司更送出一萬元獎金作禮物，她說：「古生平日好似好嚴肅，自己都唔太敢同佢講嘢，但其實人好好，知道我生日已話要送禮物畀我。」至於另一壽星、本月21日生日的金像影帝林家棟透露，現正拍攝鄭保瑞執導的新戲，前日拍攝摷垃圾戲份時損手：「講我搵贓物，我話再行三步係屎渠，導演就話：『啲Crew都忍到，你忍唔到咩？』」又笑言拍攝時他經常跑到「扯蝦」。
文：影視組