癡情Fans台前求婚 G.E.M.O嘴喊驚想食月餅

鄧紫棋（G.E.M.）一連三場紅館演唱會前晚正式開鑼，吸引歌手李玟等前來撐場，G.E.M.先後換上多套性感歌衫與Dancers勁歌熱舞，大顯巨肺功力，無論快歌、慢歌都飆高音。至演唱會中段，G.E.M.換上白色開衩露背晚裝裙在台上自彈自唱，並叫現場觀眾向身邊人表達愛，更大玩Kiss Cam，未料一位癡情男歌迷突然捧着108朵紅白玫瑰到台前向她求婚！

嚇一嚇要定驚

G.E.M.當堂嚇到手足無措，又驚又喜說：「唔係嘛！向我求婚？你認真o架？我冇諗過有人會求婚，我有少少精神失常，我應該點做呀？」當「求婚男」再送上禮物時，她即笑言：「咩嚟o架？月餅？」G.E.M.拆開禮物盒，內裏是一條紅色心形開胸裙。她尷尬笑言經歷完人生第一次被求婚後，需要定驚，並向「求婚男」說：「你嘅提議，我今晚會考慮吓再答覆你。」然後送上三場紅館限定的廣東歌Medley。

收到108朵求婚玫瑰，G.E.M.笑晒！	G.E.M.在台上表演Drum Solo。	G.E.M.勁歌熱舞，氣氛熱烈。

五上紅館多感觸

演唱會尾聲，G.E.M.表演Drum Solo兼唱出連串快歌，令全場High爆！到Encore部分，她獻唱《All About U》及《Where did u go》等舊歌，再度Encore時，五度踏足紅館的G.E.M.仍然心情激動，坦言紅館帶給她很多回憶，提到2011年首次開紅館騷，更不禁落淚：「嗰次一落台就感動到喊，開騷之前啱啱經歷分手，又試過喺台上感動到跪低。我好想喺呢度多謝喺我成長路上愛過我、傷害過我嘅人，同埋喺一萬人見證下、喺睡公主慢慢成長下，我嘅King of heart，上帝！」之後就唱出《睡公主》為演唱會畫上完美句號。

文：音樂組

攝：劉智源