草蜢朋友太多 錄歌受阻

組合草蜢前晚現身將軍澳電視城，為薛家燕及曹永廉等主持的節目《流行經典50年》錄影最後一集，薛家燕以低胸裝亮相，笑言為了最後一集「賣大包」：「當初話做四集，做到依家廿九集，大家合作無間，亦多謝家庭觀眾支持！」
何雁詩以透視裝搶鏡。
何雁詩以透視裝搶鏡。

草蜢將於11月舉行演唱會，他們透露會在節目中大唱經典歌做熱身。提到蔡一智早前在林敏驄演唱會因塌台意外受傷，可會留有陰影？他笑說：「冇陰影，好期待演唱會，嗰度跌低就喺嗰度企番起身！」他們又透露最近正為演唱會新歌錄音，但因為有太多朋友探班令進度受阻：「有好多朋友嚟探班，佢哋好想聽新歌，張智霖、袁詠儀、古天樂、伍詠薇、周汶錡等，令到首歌要分開錄，唔緊要，慢工出細貨。」

貪玩的草蜢捉實朱咪咪唔放。
  • 貪玩的草蜢捉實朱咪咪唔放。

薛家燕着低胸裝賣大包。
  • 薛家燕着低胸裝賣大包。
側田都有份參與錄影。
  • 側田都有份參與錄影。