名媛蔡一鳳迷上拉筋及做健身，分別聘請拉筋教練和健身教練作私人教授，短短一個月可以輕易做出一字馬，她說：「由6月開始我就日日去健身室做拉筋同健身，教練逢周四休息，周四就去做瑜伽，保持每日都有做運動。（拉筋都有私人教練？）係呀！每日8點就到健身室，先拉筋一個鐘，然後做Gym一個鐘，如果嗰日忙啲，唔夠時間，都堅持拉半小時筋。」

蔡一鳳表示小時候能做出一字馬，但長大後少做運動，發覺身體欠缺柔軟度，更大談拉筋的好處：「有話筋長一寸，壽延十年，唔知係咪真呢？不過我覺得之前工作太忙，又多應酬，身體有啲警示，身體好硬，依家鬆番好多，而且腳好似修長咗，拉咗一個月已經做到一字馬，但冇試過站立做，下次或者可以試吓。」