藝人林雅詩昨日打扮性感到深水埗拍攝賽車海報，問到是否收高價酬勞才性感示人？她自言是賽車粉絲，因此不會計較酬勞，早前亦曾到內地參與賽車，問她平日是否愛揸快車？她說：「湊小朋友時會小心為上，佢投訴我開得快會作嘔，所以平時揸慢啲。（去比賽時小朋友有冇擔心？）有，我哋參賽都簽晒生死狀同買保險，簽嗰時都驚驚哋，但受過訓練所以唔怕。」
