陳嘉寶影婚照攰過通頂拍戲

藝人陳嘉寶昨晚出席Max&Co.秋冬系列時裝秀與大衣展示活動，透露婚期已定了11月25日，心情並沒因此緊張，清瘦了的她說：「我冇食少到嘢，但瘦咗1kg（約2.2磅），大家話我有壓力唔知，婚禮搞得七七八八，啱啱都影完婚紗相。」她表示今次婚紗相充滿童年回憶：「今次pre-wedding主題與宗教和裝置藝術有關，仲去咗男友細個去嘅地方取景，好有童年回憶。我自己嘅童年回憶就係喺影樓，影樓係我中學開始成日蒲嘅地方，有已經好心足，唔想再抽一日去其他地方影，影pre-wedding仲攰過通頂拍戲。」她透露會工作至婚前兩日，亦跟公司說好不去度蜜月，婚後第三日便會復工，認真是工作狂！