黃美棋重返無綫恨拍劇
童星出身的女藝人黃美棋5歲入行，拍過無綫劇《刑事偵緝檔案》，其後再參與《創世紀》及《帝女花》等劇集，最近她宣布重返無綫成為旗下藝人，先擔任旅遊節目主持，但她最想仍是拍劇，希望跟視后田蕊妮合作：「一直好欣賞阿田，演技好穩，希望喺佢身上偷到師。」
曾在《帝》劇飾演陳豪女兒的美棋直言想「父女重逢」，問會否想升呢演情侶？她笑說：「哈哈，冇諗呀！不如升級少少先，做阿妹先啦！」講到其他平台的藝人過檔無綫後都有不俗成績，問美棋有否此野心？她說：「平常心，好多粉絲都贊成我返嚟，多個平台更容易見到我，大家咁支持，令我信心大咗，依家踏實做好每一步先。」
場地：名館
髮型：Iman@haircorner cwb