劉威煌灰爆中下游掙扎

歌手劉威煌相隔年多再推出心聲新歌《灰狗》，出道8年的他坦言曾想過放棄夢想：「有段時間覺得喺樂壇零價值，有半年時間冇喺網誌上載任何嘢，係灰嘅，好彩有班朋友叫我沉澱吓。」威煌承認現今做音樂非常艱難，經營台灣飲品店的他表示為了生計就要面對現實：「我覺得面對現實同夢想係分隔開，賺錢係支持生活，好多人話最緊要享受過程，廢話啦，冇成績又點可以再有錢做歌？」身為「巨聲幫」的他面對同期的許廷鏗在樂壇站穩陣腳，威煌說：「我唔覺自己坎坷，時也命也，同屆嚟講我唔算差，屬中下分子。」