駱胤鳴死纏爛打逼張彥博落疊

烙印與阿博年多前於電視節目中認識，當時阿博還教她如何看鏡頭及取飯盒，相處之後，她才知道男方年齡已經3字頭，不過兩人異口同聲說：「我哋好唔熟o架！」他們經常在社交網互Like貓經，似網友多於朋友，然而阿博卻是烙印合唱對象的不二之選：「呢首歌係我為男朋友寫，所以要搵個同佢差唔多嘅人。」

男友與阿博似樣

烙印透露阿博曾於公司盆菜宴見過其男友，更冒着跪玻璃的危險請男友為自己與阿博拍照：「我將個頭挨咗喺佢膊頭，當時個心跳得好快！」她形容二人同樣是暖男，髮型與眼鏡都很相似，只是男友的眼睛不及阿博大。阿博即笑說：「我依家好驚，佢每次都衝住佢男朋友嚟，我驚今晚畀人打！」

說到新歌《有種愛情》，烙印解釋「有種」代表「夠薑」，喜歡一個人就會說出口：「我覺得佢好好，值得嘉許嘅時候就畀個Like佢；或者有唔舒服嘅情況，我都會話畀佢聽。我好有勇氣，我嘅愛情冇咩顧忌。」阿博認為雖然拍拖可能有很多傷痛，但亦有很多甜蜜之處，希望新歌及MV帶給大家愛的感覺。

烙印自認是花癡本性，遇上心儀男性會死纏爛打。	張彥博與烙印雖然話唔熟，但都好有默契呢！	二人合作的MV有不少「床戲」，但都老少咸宜嘅！

自揭性格缺點

問到如果要追求對方會用甚麼方法？烙印表示會死纏爛打：「不停WhatsApp佢，問佢做緊咩，不停出現喺佢視線範圍內，知道佢鍾意睇啲咩戲就陪佢去睇，我係極花癡嗰啲。」阿博卻顯得小心翼翼，先要弄清楚對方是否單身，又自爆沒試過熱烈追求女生：「就算你不斷強求，嗰樣嘢唔係你嘅就唔係你嘅。我成日都同人講，其實我好悶，你怕唔怕？我講咗我嘅缺點先，如果你唔怕，我就繼續。」

文：音樂組

攝：劉智源

駱胤鳴髮型及化妝：Rita Leung

服裝：G.perfect

張彥博髮型：Deep Yu @ Beijing Hair Culture

場地：Panash Bakery & Cafe