周嘉莉突破清純處女床戰騰騰震

周嘉莉早前在錢國偉執導的微電影中，突破清純形象，以性感紅色Bra Top上陣，與影壇新人陳一天上演火辣辣的親熱戲，並獻出銀幕初吻：「戲中我飾演出軌人妻，當中有好多火辣激情嘅戲份，我係從來未試過同男演員有咁親密嘅接觸，所以演嘅時候都係咁震。我仲全程拎住盒薄荷糖不停食，以免有尷尬情況發生，畀個好印象對手。」雖然心情緊張，不過嘉莉直言幸好有錢國偉從旁指導，令她能放膽演出。

如中六合彩

貴為影壇新人的嘉莉，連續擔正五部微電影的女主角，猶如中六合彩一樣，她坦言很感恩：「入行以來都好幸運，得到唔同人嘅幫助，呢兩年轉咗新公司後，更加有唔同嘅機會嘗試，可以突破舊有框框。初頭入到公司，我都同老闆講我只係識做主持，但佢就話依家啲主持唔係齋做主持，要樣樣都識啲。而公司投資咗五部微電影，我都有幸做女主角。」

初次拍床戲的周嘉莉坦言非常緊張。

放大圖片

感激亞視

回望過去，雖然曾經歷亞視欠薪風波，但嘉莉依然感激「娘家」給予機會：「六合彩主持係我踏腳石，畀人初頭認識我係一個主持先，加上呢個節目喺亞視都有好好嘅收視，所以有幸做到主持係好光榮。」正正因為這個節目，嘉莉直言增加不少觀眾緣：「就係因為做過呢個節目主持，到依家好多公公婆婆都認得我，所以『六合彩之女』呢個名帶畀我嘅嘢絕對係『有得冇失』。」

文：陳曉柔

攝：吳文聰

服裝：JA2K

髮型：Match @HAIR Salon

場地：英皇紅酒扒房

鳴謝：Barry@J&B Ent