張敬仁10分鐘極速醫肚
東網巨星節目「百鶴年橄欖油特約」《星級煮意》，今集由藝人張敬仁（Kendy）教大家煮一道簡單又好味的「香草醬魚柳意粉」，她表示這道意粉只需短短十分鐘即可完成，非常適合在家烹調！
Kendy在美國讀大學時經常下廚，故練得一手好廚藝，Kendy說：「喺美國讀書時，成日都自己煮嘢食，會煮西餐多，因為大學同學全部都係外國人，好少煮中餐，而西餐都係啲簡單嘅牛扒、西湯，同焗嘅嘢多。」她建議如果下廚經驗少又想煮食，首推煮意粉：「基本上你煮意粉5至10分鐘就食得，加少少汁同配料已經好好食，好似今次煮嘅香草醬魚柳意粉，非常方便！」
難忘炮製聖誕大餐
提到難忘的入廚事，Kendy表示是弟弟第一年到美國讀書，坐六、七個小時車到她家慶祝聖誕節：「好記得嗰年細佬第一年喺美國讀書，佢同個朋友專程坐好耐車過嚟同我一齊過聖誕，我就準備定好豐富嘅聖誕大餐畀佢哋，有火雞、意粉同一啲小食，成件事好溫馨！」
藍帶廚模蔣怡（Coco）接受《星級煮意》主持Sara訪問，大讚Kendy的意粉又快又靚。她表示：「個完成品其實幾唔錯，但我覺得色彩可以再豐富少少，可以喺白色魚柳上加一匙羹紅色嘅意粉醬，擺一片綠色香草，可以加大火煎到魚柳變金黃色，就更Perfect！」
分量比重影響賣相
Coco又與Sara討論意粉、魚柳比重問題：「要諗吓魚係主菜伴少少意粉，定係意粉係主菜伴少少魚，有時候將啲嘢變少咗就已經好靚o架喇，分量係一個小貼士嚟！」想學煮更多菜式？《星級煮意》節目逢周四更新，立即透過東網App及東網網頁收看及重溫啦！
https://goo.gl/TcL94J
文：專案組