趙碩之拍過親熱片舊愛阿哥有得睇？！
近日有動漫女模被公開艷照成為熱話，曾以性感形象發展的「寫真始祖」趙碩之出席活動時，被問到有否與男友影親密照時，竟語出驚人，自爆曾與男友拍過影片：「我覺得咁做係一件好Sweet嘅事！」更透露影片儲存在男友阿哥的電腦內。
女星趙碩之（Wylie）、鄒文正（Terry）、白健恩、鄧詠雪及導演黃修平等，前晚到九龍塘出席電影活動，Wylie笑言愛睇日本電影，因此特地撐場。講到近日有指是動漫女模的藝人被公開艷照，疑似遭到報復，曾是「寫真始祖」、形象性感的Wylie認為事件對女方傷害好大。
冇要求刪走
問她有否與男友影過性感相？Wylie自爆：「我好保守o架！但有拍過片囉！我覺得咁做係一件好Sweet嘅事，當時20歲剛剛入行，有一段冇曝光嘅戀情，自己好保護呢段感情，唔想對方因為同藝人拍拖有壓力。（怕唔怕片段流出？）唔怕，我同佢家人都熟，依家關係都好好。（冇要求對方刪走？）冇喎，段片好似喺佢阿哥嘅電腦度，佢應該冇畀人睇嘅，我要向好嗰面諗，所以就算佢畀人睇過，都唔好畀我知！」
鄒文正衝擊張繼聰
而Terry表示早前加入新公司成為張智霖的師弟，即有機會與對方合作拍電影，雖然經常穿全套西裝在悶熱的工廠大廈拍追逐戲，但有機會與張智霖及鄭嘉穎等合作，辛苦也值得。Terry又表示視另一位同門師兄張繼聰為目標：「我想向張繼聰學習，可以好似佢咁喺電影及音樂同時發展。」Terry又指新公司給予好大自由度，稍後會回家鄉茂明為慈善演唱會獻聲。
同場的小白透露今年已拍了六部網絡電影，在最近一部作品飾演奸角，與馬賽及吳毅將有對手戲，笑言有發揮機會。
文：影視組