笑李司棋「魚腩」夏雨打牌紅底着上面
無綫劇集《溏心風暴3》演員夏雨、李司棋、米雪及關菊英前晚在將軍澳電視城為big big channel「明星麻雀王大賽」舉行記者會，即席攻打「四方城」。夏雨揀了紅色底褲吉祥物對抗「三娘教子」，還搞笑穿起紅底拍照。而最快食胡的是關菊英，十分好運氣。
夏雨取笑李司棋是「魚腩」兼「站長」：「佢唔識打牌，我哋呢啲十級同佢呢啲一級嘅打牌好冇癮。」李司棋笑說：「平時唔打，一坐低已經瞌眼瞓。」夏雨透露以前經常與何守信打衞生麻雀：「唔係打好大，都係邊等開工邊打麻雀，試過最耐打咗十幾廿個鐘都等唔到有工開，哈哈。」