阿Sa冧讚男友夠體貼

歌手蔡卓妍（阿Sa）昨日帶同師弟楊天宇，與羅蘭出席「海洋公園哈囉喂全日祭」活動，問到阿Sa會否同麻雀館太子爺男友石恆聰入鬼屋玩？她說：「睇吓有冇時間。（入鬼屋可以趁機扮驚？）搞啲咁嘅嘢？唔好啦！（得閒要詐吓嬌？）我驚我同佢都忍唔住嘔。」 記者不斷追問感情事，阿Sa無奈說：「唔好八卦啦，私人事唔想講太多，依家樣樣都好。」由於容祖兒踢爆她到杜拜工作時與男友頻頻玩視像，阿Sa冧笑說：「久唔久啫。（仲話你男友放紙巾入你袋？）都幾體貼o架！」對於香港「小巨肺」譚芷昀（Celine）在《全美一叮》被淘汰，阿Sa大讚對方好勁：「畢竟9歲，參加得預咗有輸嘅機會，盡咗力已經OK。」