郭偉亮：有天分添童真更佳！
音樂人Eric Kwok（郭偉亮）早前彈「小巨肺」Celine唱歌似機械人，對於她在《全美一叮》中被淘汰，Eric昨日出席活動表示冇留意，但覺得這個比賽對Celine而言是個很好的經驗，更大讚Celine有天分：「第時應該好勁，前途無可限量。（佢實力唔夠對手好先輸？）我唔知其他人實力點，佢有天分，但少咗童真，多番啲會Cute啲。（戥佢重返校園開心？）如果佢鍾意讀書戥佢開心，如果唱歌，返學都有得唱歌。」
孫穎邀上舞台
此外，音樂大師劉詩昆與「琵琶公主」孫穎亦十分欣賞Celine的才華，劉詩昆指Celine毋須太刻意模仿Celine Dion：「可以學習對方發音，但風格上做番自己，先係獨一無二！」孫穎則說：「入唔入到圍唔需要太上心，年底我哋有個國際性活動，有意請Celine妹妹表演。佢有咁多經驗同舞台表演，畀到正能量其他學習音樂嘅小朋友。」
