批中會輸 籲悉心栽培 黃秋生：會係未來藝術家！
黃秋生昨晨收看Celine比賽，並在社交網站發表看法，盛讚她似唱音樂劇，卻留言說：「Celine唔會贏，因為其他兩個參賽者（Angelica及Darci Lynne）都唔係人咁品，係外星人！」
秋生接受電話訪問時指Celine雖敗猶榮：「我第一次睇Celine比賽，佢好有天分，但其他參賽者唱法自由奔放，佢就好規矩，可能同文化、訓練有關。（佢拍片炫富累事？）唔關事，係睇能力，同個人生活無關，佢輸在太規範，被框框框住，不過，香港出到咁天生聲音美麗嘅天才，都好寶貴，但都要有個人風格，送佢出去讀音樂學院，培育得好，會係個藝術家！唔好再搞埋啲咩宣傳呃Like喇，冇用o架，做啲實際嘢，低級宣傳手法，外面個世界唔受o架，人哋係睇能力！Celine嘅能力已經超出佢老竇，應該搵個更好嘅老師，佢老竇教唔到佢任何嘢喇！」