Celine甩炫富形象贏盡友誼

Celine近月連過三關出戰《全美一叮》（America's Got Talent，AGT）準決賽成全城焦點，前日以動畫主題曲《How Far I'll Go》出戰，再度被評判Mel B狠批揀錯歌，唱不出水準！而由觀眾投選的賽果昨晨終於出爐，Celine於第二輪淘汰環節與「新Adele」Mandy Harvey及人狗表演組合The Pompeyo Family同台等宣布結果，Celine笑晒面對尖叫其名字的觀眾，可惜最後由Mandy勝出，淡定的Celine攬攬兩個參賽單位後，便隨The Pompeyo Family齊齊入後台，告別大戰三個月的《AGT》！

留言談被Foul感受

Celine只差一步就可以殺入十強決賽，爭約780萬港元獎金與拉斯維加斯演出機會，可惜最終無緣晉級，其經理人蕭定一被問到可會感到雖敗猶榮時，他說：「一定會啦！（Celine妹妹係咪好唔開心？）其實好早之前已經開始同Celine做心理輔導，教佢點樣面對壓力，同埋做咗面對贏輸嘅心理建設，我哋一直都同Celine講盡咗力就得，所以相信佢冇問題。」而Celine賽後亦有於社交網留言談出局感受，除多謝所有粉絲的投票、支持、留言與歡呼吶喊等，更表示：「我於《全美一叮》獲得的寶貴經驗與友誼大過所有嘢！我衷心祝願所有入圍決賽者努力實現夢想！一切順利！」另配上不少於後台與對手的合照，似乎堅係輸比賽贏友誼！

不少網民於社交網留言力撐Celine，為她出局而大感不值，有粉絲留言：「Oh no！Celine你已做得好好！你應該為自己而驕傲！做得好！」另外亦有網友留言說：「為Merrick Hanna與Celine未能入決賽而心碎！好愛你哋！」有網友更大讚Celine與10歲勁敵「小雲妮」Angelica Hale是整個《AGT》最具才華的參賽者！

自發拖弱視歌手

除有粉絲支持，Celine於宣布入圍名單時一幕Warm爆小插曲亦意外俘虜不少網民的心，事緣於第一輪淘汰環節中，Angelica Hale、曾失明的17歲歌手Christian Guardino及12歲「機械戰士」Merrick Hanna等候被三選一入決賽，當時三人都勁緊張，Christian更擰轉面望着站在他旁邊的Celine，Celine與他對望後，就行過去拖住Christian，陪他行出舞台等賽果，然後返回原位，當時四個評判對於Celine未被叫就行出台似乎一頭霧水，但後來網民於社交網表示了解Celine的舉動後，都紛紛派Like，大讚她善良又細心！

Angelica激動落淚

此外，「小雲妮」Angelica成功打入決賽，入圍時開心到雙手掩面踎低，感覺難以置信，甚至激動落淚，加上Mandy、「雜技舞團」Diavolo，跳舞組合Light Balance與空難生還者Kechi Okwuchi，以及上周入圍的五個單位，《AGT》的十強決賽將於下周三舉行，翌日公布賽果。

文：外娛組