翠如狂咀靚仔蕭正楠唔呷醋：佢好着數！
藝人蕭正楠、曹永廉及田蕊妮等前晚自掏腰包，宴請《超時空男臣》台前幕後，慶祝該劇收視報捷。席間阿蕭被追問女友黃翠如於稍後播出的重頭劇《使徒行者2》中有不少咀戲，他打趣說：「睇到宣傳片，覺得佢好着數囉！周柏豪同袁偉豪都咁靚仔。（翠如話你一定要睇？）我會睇呀，飛去第二度睇，嚟緊個幾月都要飛，去意大利同鄭裕玲拍《Do姐再Shopping》，仲要去新西蘭同加拿大。」問他會否感到酸溜溜？阿蕭即說：「我都有同蝦頭、阿田（咀），唔輸蝕(口架)！唔使同曹永廉咀就冇問題。」
曹永廉幫手拉票
在旁的阿廉聞言即開始與他鬥嘴：「你一直有牙周病。」阿蕭反駁：「你口臭！我飛走咗之後，大家幫幫手照顧翠如，順便幫我照顧埋呢個弱智二弟啦！」談到《超》劇開拍續集，阿廉表示因大家都忙，所以要等一段時間：「希望將來可以原班人馬，加埋阿嫂（翠如）一齊囉！」而阿廉昨日再出席公開活動，趁機幫阿蕭「拉票」，盡顯「兄弟情」﹕「希望佢年底頒獎禮得獎，我就攞過（最佳男配角）嘞，佢攞咩都好，咁喺《超時空男臣》佢真係做得好，如果依家唔攞唔知幾時先有。投我票嘅朋友請轉投蕭正楠啦！呢個係佢人生高峰，我要扶佢一把。」
文：影視組
