伍淑怡撼爆頭今年第四度入院

有自殺前科的模特兒伍淑怡（YoYo）成為醫院常客，今年四度入院的她在社交網站寫道：「今年流年不利，撞爆咗個頭，又要入院。」她昨日受訪時表現得迷糊，斷續地交代事件因由及現時情況：「我啱啱喺屋企露台度坐，因為屋企同露台之間有個窗，我起身嗰下一嘢撼咗落個尖角位，整爆咗個頭搞到流血，之後即刻Call白車入院。」她指現在已止血及打了破傷風針，但因為好頭暈及頭痛，所以要照X光檢查清楚。