譚俊彥朱晨麗通宵爆破一晚燒百萬

朱晨麗（右）與溫家偉通宵拍攝重頭戲。

譚俊彥（Shaun）、朱晨麗（朱朱）、「大隻仔」溫家偉與林師傑等，日前在沙田石門為新劇《特技人》通宵拍攝一場重頭戲，演車手的溫家偉駕駛房車飄移後炒車，傷重的他獲Shaun和朱朱及時救出。這場重頭戲中房車被爆破燒毀，加上劇組出動替身、吊車以及電單車等，據知一整晚已燒掉百萬預算，認真揼本！

日飲四罐咖啡提神

Shaun透露與朱朱將有一場親熱戲，有「動作場面」但未知尺度：「聽講朱朱好驕傲有腹肌，如果佢騷到腹肌就真係叻喇！」他又直言拍動作戲不太辛苦，但連日通宵拍攝，加上早前同時經歷紅事和白事，身心俱疲的Shaun，要靠每日飲四罐咖啡提神：「呢排差啲分唔清咩係現實，早排同時經歷細仔出世同外公過身！有時返到屋企望個仔兩眼就瞓，太太都好明白，忙完會帶老婆旅行放鬆吓。」

放大圖片	譚俊彥親身上陣騎電單車，型到爆！

未有上陣的朱朱則指將有一場近距離爆破戲，藉今次偷師：「套劇好多高難度場面，感受好深，向幕後特技人致敬。」滿面血的溫家偉表示為演好角色而練車：「我唔太驚飛車，但媽咪擔心，因為我試過整親腳，但拍動作戲好爽！」談到其肌肉再「升級」，他指早前參演新加坡劇集而操弗，但稍後演內地劇，他應劇組要求一個月後要「摧毀」腹肌，大嘆可惜。

文：影視組