側田預告開騷必喊

歌手側田昨日為12月8及9日的香港站巡唱舉行記者會，並宣布將加盟銀河世界娛樂，11月更會推出新碟，三喜臨門！其巡唱之前已於廣州開鑼，但他透露有意在紅館演唱會上加入新環節：「我個騷本身有3 Part，講入行、迷失同新開始，依家諗緊香港站會唔會加多Part講未來。」又透露唱某幾首歌的時候必定會喊：「其實唔應該喊，我都會有勁歌熱舞，喊完好難入番個Mood。」雖然門票於優先訂購時已極速售罄，但他坦言不會再加場：「因為冇期，一係叫之後開嘅楊千嬅讓幾日畀我，講笑啫！」至於可會邀請嘉賓？側田表示仍在考慮中，笑言曾想找日本樂隊安全地帶主音玉置浩二做嘉賓：「佢嗰兩日會嚟香港，但撞咗期。」