鄭俊弘奪4獎暗示未解晒凍
星夢歌手鄭俊弘（Fred）、吳若希（Jinny）與譚嘉儀昨日於IFPI頒獎禮中共奪7獎，其中一個獎屬已過檔華納的許廷鏗。Fred個人奪得4獎，但成績是來自未爆出與何雁詩相戀前的作品，問到可擔心今年成績有所影響？他說：「呢啲唔諗太多，用盡心機去做好音樂，首新歌都係自己作，老闆都聽咗。（女友聽過未？）未！畀老闆聽先。（係咪『解咗凍』？）依家算係有番啲工作同錄歌。」但承認暫時未有安排拍劇：「老闆話做好音樂先。」
吳若希產後有獎攞
榮升人母的Jinny憑《眼淚的秘密》唱片奪得「十大銷量廣東唱片」，她透露本星期會錄新歌，準備產後復出。Jinny日前與男友Alex有份拉頭馬，她透露有機會做馬主，因與幾名圈外太太在年初時成立團體，現正入紙申請抽馬。至於星夢老闆何哲圖對旗下歌手奪7獎感滿意，但希望歌手做好事業先：「畀心機做好樂壇接棒人。」
