在寵物店初次相遇，胡㻗已被Biggie深深吸引。
去年參選「香港先生」的胡㻗（Fei）自小對巴哥犬（八哥）情有獨鍾，去年機緣巧合下，Fei於一間寵物店遇見Biggie：「第一眼覺得佢好靚仔，好鍾意，跟住玩咗陣，返到屋企諗係咪真係要買佢返嚟。」一個月後他決定買Biggie回家飼養。他笑言購買前已做足資料搜集，了解八哥的特徵：「因為佢哋鼻短，呼吸好易有問題，皮膚亦好易敏感。」
Biggie樣子看似很蠢，其實非常醒目。
胡㻗經常帶愛犬四圍玩。
提到Biggie的百厭事，Fei說：「養咗差唔多一年，Biggie依家歲幾，好鍾意咬嘢同咬我，我都教佢唔好咬我，因為都幾痛。」他笑言八哥的樣子看似很蠢，但其實非常醒目：「我唔開心時佢會知，教佢坐同畀手佢都好快識，其實盡量畀多啲時間、錫佢多啲，教佢多啲紀律就得。」
