鄭希怡農村放牧母女情升溫
歌手鄭希怡（Yumiko）昨日為「毛織大匯演2017暨第七屆香港青年毛織設計師大賽」擔任模特兒，多年未有行騷的她，直言身材弗過生女前：「我比以前細咗一個碼。（上圍？）唔係集中任何一個地方，我好滿意依家嘅身形。」
「冇咗我唔得！」
本月6日是Yumiko的生日，在工作中度過生日的她表示別具意義：「當日去咗內地農村放羊、擠羊奶同捕魚，拍親子真人騷，係囡囡第一次拍嘢。（酬勞吸引？）正常啦。（女兒受控？）我同佢感情一日千里，佢依家好黐我，冇咗我唔得咁，好大成就感，佢之前黐外傭姐姐多啲。」有傳內地叫停親子真人騷，她表示不清楚節目有否受影響：「暫時如期進行。（老公出鏡？）冇預佢。（去完老公黐你？）唔使咁多人黐我，佢太需要我就做唔到自己嘢。」
蔣怡封肚開餐廳
另外，已懷孕八個多月的本地設計師蔡毅明（Grace），昨日現身其時裝騷「Yi-ming 聯乘The Woolmark Company純羊毛針織旗袍系列」，名模蔣怡及藝人陳明恩擔任模特兒行騷。蔣怡表示當年懷孕跟Grace一樣搏命工作：「我有咗仲一個月飛幾次，因為我好輕巧，冇人知我有咗，所以搭飛機冇人幫我拎行李。（再生？）唔生，收工喇！希望等囡囡讀小學就開餐廳。」
文：名人組