關之琳真人騷拍到虛脫冇下次
大美人關之琳以一身低胸蝴蝶裙出席慈善晚宴活動，露出三吋事業線，正忙於拍攝內地真人騷節目的她大呻辛苦，笑言冇下次，她說：「依家仲有4集未拍，真係拍到虛脫！（係咪下次唔好搞你？）真係唔好搞我嘞！（收4,000萬酬勞？）唔好講呢啲啦！但真係拍到上機都繼續拍，接得就要做好佢。」
同場的陳展鵬女友單文柔不諱言因展鵬的關係令她多了工作，問展鵬有否幫她搭路拍劇？她說：「邊有可能，自己基礎唔夠，就算佢教我，我都未有實力做得好。」提到展鵬於《同盟》內與胡定欣有不少親熱戲，她坦言沒有看到眼火爆，更讚二人合拍，問現實生活中，展鵬是否跟她合拍些時，她又冧爆說：「我同定欣情況又唔同，冇得比較，總之依家相處幾開心。」
