展鵬忠變奸兄弟決裂害山聰

無綫劇集《同盟》隨住進入尾聲，劇情更見緊張，江美儀飾演的「金天」乃Big Boss Rainman，有指美儀本身與保護「令熊」鮑起靜的「易先生」歐瑞偉甚有淵緣，對方是她的師傅，但二人之後師徒關係決裂，故誓要把令家搞到雞犬不寧，一眾親人更各懷鬼胎，欲把鮑起靜置諸死地，雖然鮑起靜設局反擊，但因而身陷險境。

死得人多

而一直做孝子的「高子杰」陳展鵬，竟然由忠變奸，與陳山聰兄弟關係決裂，更狠心向山聰施毒手，有指Rainman不只一個人，Big boss另有其人，莫非展鵬便是終極Rainman？劇情認真峰迴路轉，之後更會繼續有人死，據知展鵬、林子善、鮑起靜、歐瑞偉、羅樂林之中，將有三個要死。

「個仔唔會要殺阿媽！」

對於劇情率先被爆，並猜他是第二個Rainman？展鵬昨日受訪時說：「一日未結束都唔知邊個係Rainman、邊個會變奸，劇情係點樣，呢個先係最神秘之處，眼見未為真，耳聽未為實，呢個先係樂趣。」山聰則說：「依家仲有四集，我同展鵬兩兄弟，真係會有啲事發生，依家Rainman出現咗，又係咪真係得一個呢？咁就要拭目以待！」可會擔心劇透影響收視？他說：「我相信套劇播咗廿幾集，已經有一定觀眾支持，如果劇透太多當然會有啲影響，但相信支持套劇嘅觀眾會繼續睇落去。」至於鮑起靜說：「依家睇到所謂嘅劇透，都未必係真嘅。（展鵬變奸會唔會殺你？）個仔唔會要殺阿媽嘅！但會令大家意想不到。」

文：影視組