林保怡眼角縫9針險過剃眉
藝人林保怡前日為籌備與歌手劉美君拍攝的MV而提前試禮服，期間不慎跌倒弄傷左邊眼角，需要入院及縫9針。曾扮演醫生的他笑言不擔心破相，只要求醫生縫針時不要剃眼眉。
藝人林保怡將於10月為歌手劉美君的紅館個唱擔任嘉賓，還重拍兩人昔日合唱歌《偷窺》MV。前日，他為稍後拍攝的MV提前試穿禮服，但試衫時因「貪玩」郁身郁勢而不慎跌倒，令在場的導演太太驚叫！林保怡左邊眼角受傷兼流血，隨即到醫院治理，他受訪時說：「導演準備咗大、中、細碼畀我試，試套中碼衫時，導演問我係咪真係啱身，我就百厭咁似做運動係咁郁，點知唔小心仆咗落木地板度。」有網友在醫院「捕獲」他，上載的相片見他左眼角貼上紗布，並在門外講電話，隨後往急症室方向入醫院，他解釋：「我去咗沙田威爾斯醫院，但人多我就改咗去仁安醫院。」
劉美君跳「大媽舞」
曾於劇集《妙手仁心》飾演急症室醫生的林保怡笑言，對醫療程序略有認識，故在縫針前要求醫生不要剃眉毛，最終縫了九針：「因為擔心會影響到12號拍攝MV，依家MV夜晚拍，我上午去拆線，希望冇影響。（擔心破相？）男仔都唔擔心嘅，只係希望個傷口埋口好啲，所以要戒口。」
另外，劉美君在今日播出的ViuTV節目《PG Style》中與街坊跳「大媽舞」，嘗試另類舞台表演。
文：專案組