壽星劉佩玥自嘲係「叉燒」！

藝人劉佩玥、張文慈（Pinky）與馬德鐘等昨午雲集溜冰場，為無綫新劇《跳躍生命線》拍攝救人場面。今日生日的劉佩玥心情勁靚，期間與馬德鐘等研究如何慶生，她笑說：「由細到大，我生日一定同家人過，恭喜父母生咗舊『叉燒』！今年都唔例外，但額外會同個同月同日生嘅好朋友搞個小型派對。何雁詩曾提議玩Cosplay，但我都冇時間準備。（收咗生日禮物？）原來女仔都會妒忌，有女仔朋友鬥快傳短訊同我講生日快樂，個個都想爭『第一』。」