朱千雪呻男友忙寄情讀書
藝人王浩信、蔡思貝與朱千雪等昨日為劇集宣傳，對於結局篇將於下周四至日連播四日，浩信直言能跳入平日黃金時段感到爭番啖氣！朱千雪則表示暫時「收山」，並以學業為先，感情放最後。
王浩信、蔡思貝與朱千雪等演員昨日到中環出席《大班冰皮月餅呈獻：踩過界》宣傳活動，為配合浩信劇中「盲俠」造型，齊齊戴黑超上陣向市民派禮物。
對於下周結局篇將由周四至日連續4日播出，浩信坦言爭番啖氣：「依家Fit過London啦！之前覺得有得有失，內地反應好但香港就麻麻，希望『踩』番平日夜晚，多啲觀眾睇到。」思貝亦指是觀眾福利，可一氣呵成睇晒結局，不用窒住窒住，千雪則表示結局篇對她來說是一個總結：「已經冇劇集存貨，所以特別珍惜！暫時都唔會拍劇住，因為新學期好忙。（冇時間拍拖？）大家喺唔同地方各有各忙，我99%都係工作同學業。（將男友放到最後冇詐型咩？）唔知佢喎！應該會明白，如果畀佢揀都係工作行先。」
聲援港姐冠軍 讚EQ高
對於應屆港姐冠軍雷莊引來激烈批評，身為師姐的千雪讚對方EQ高，自言參選時亦被嘲口大，花了四、五萬元箍兩次牙：「但到依家個口仲係咁大！其實永遠都有人唔鍾意自己。」而備受負評困擾的思貝同樣讚雷莊：「好Sharp又好高，笑容燦爛！（有人彈醜樣！）呢啲係必經階段，佢處理幾好。（教吓佢EQ？）有機會想同佢傾吓偈。」講到有網友將思貝的「癲姐」哨牙造型與雷莊比較，思貝說：「多謝大家留意我個角色。」
至於港姐評審之一的王浩信亦讚雷莊𠒇身形好及有潛質：「當然有不足地方要調整，但態度方面加分。（佢同網友罵戰！）可能鬼妹仔性格，畀着我個女畀人咁話，我都覺得陰功！」
文：影視組