克勤笑關淑怡唔會跌落水

歌手李克勤前晚繼續為紅館演唱會落力演出，吸引歌神陳奕迅夫婦、港姐麥明詩、胡楓及羅蘭等捧場，並請來寶麗金年代合作無間的好友關淑怡任嘉賓。抵死的克勤介紹關淑怡出場時竟揶揄對方說：「當我同公司提議請呢位歌手做嘉賓時，有人就問佢係咪會嚟o架？會唔會出現o架？我就同公司講唔怕，紅館唔喺沙灘邊，佢唔會跌落水。」引得全場捧腹大笑，隨即補鑊大讚關淑怡：「香港樂壇唔可以少咗呢把好漂亮嘅聲音。」