雷莊𠒇冧仔唔怕醜主動追到手

現年23歲的應屆香港小姐冠軍雷莊𠒇贏得后冠以來一直受到網友狂轟，批評她不夠漂亮，哨牙酷似球星蘇亞雷斯，更被網友惡搞，負評如潮。雷莊𠒇在網上直播反擊，對負評表示「I don't care！」有人罵她寸嘴，亦有欣賞她夠自信，回應得真性情。

上堂重拾爆棚自信

雷莊𠒇昨日接受本報專訪時不諱言自己EQ高，懶理批評，沒有因批評喊過，真心覺得網友有創意及有趣，她笑說：「自己好少唔開心，遇到問題會即刻諗辦法解決，畀網民批評嘅時候話畀自己聽唔好受到影響，做人最緊要開心。」不過，原來她兩年前工作遇上阻滯令信心動搖，報讀提升自信課程後令她重拾爆棚自信。

被嘲笑哨牙的雷莊𠒇有位加拿大牙醫男友，性格爽朗的她更自爆是自己主動追求：「我哋都係大學排球校隊，佢打波好叻，但係打咗三年排球我哋都唔認識，喺畢業嗰年先認識。其實係我追佢，我見到鍾意嘅人唔會害羞，我會好主動，揀男朋友最重要係令到我笑，哈哈！」雷莊𠒇講起男友就甜到漏，她笑說：「佢最吸引我嘅係笑容，依家都諗起佢，好掛住佢。」

性格直率的雷莊𠒇大方做出「我不在乎」表情。

黃瑋琦（左起）、雷莊𠒇、何依婷和張寶欣將肩負起今屆港姐的使命。

想學成龍打到飛起

有人覺得雷莊𠒇夢想到荷里活發展有點浮誇，原來她自小受成龍電影所影響：「我好鍾意成龍，細個睇好多佢嘅電影，好似《警察故事》、《火拼時速》，佢幫人嘅形象好深刻，自己鍾意運動游水、排球、籃球，好想做動作演員，覺得好有型。」

文：影視組

攝：劉智源

場地：香港九龍東皇冠假日酒店

髮型：HAiR