黃建東煩音傾天光瑪姬：唔理我死活！
黃建東與緋聞女友瑪姬昨日以情侶檔現身鐘錶活動，黃建東笑言因經常合作令感情突飛猛進，可惜瑪姬大唱反調，對男方感到煩厭，更大爆黃建東曾凌晨四時致電她傾天光，累她冇覺好瞓！
藝人黃建東、DJ瑪姬、范振鋒及莊思明昨日出席「香港鐘表展」，台上司儀指黃建東與瑪姬會宣布結婚，他笑言對方開玩笑，並稱與瑪姬近月合作無間，感情大躍進，但瑪姬直言對他感到煩厭：「佢有次凌晨4點打嚟同我傾咗兩個鐘電話，但我第日要開早，完全唔理我死活！」黃建東反駁：「佢係未瞓得着，我陪到佢開工，等佢唔好咁寂寞，我哋有好多共同話題，所以講到停唔到口。」
投訴約會例遲
他們異口同聲表示喜歡儲錶，黃建東認為錶可保值，是型格的投資，並計劃購買一枚近6位數的名錶獎勵自己。瑪姬則稱自幼稚園開始，已被母親培養戴錶習慣，黃建東即乘機投訴每次約會，對方例必遲到。
譚凱琪買錶靠老竇
此外，藝人譚凱琪及張達倫出席另一展館活動，穿露膊裙的譚凱琪透露，讀書時獲父親贊助買手錶：「爹哋贊助一半，我自己儲另一半錢買，之後出嚟做嘢賺到錢，買錶獎勵自己。（試過男仔送？）爹哋囉！哈哈，都有嘅，係啲有價值嘅嘢。」張達倫則稱有意購買一枚手錶，送給下月出世的兒子作家傳之寶：「預產期係下月15號，會揀順產，希望唔好係16號，我唔想連生日都同個仔一齊，好慘！」
文：名人組