李家鼎畀人包冇得抖

藝人李家鼎前晚撐兒子李泳豪主演的電影宣傳，問到兒子有否呻苦？他說：「有咩呀！辛苦得過我後生嗰時？」李泳豪表示首映時有媽咪撐場：「依家差爸爸嗰關，我諗佢都唔會失望，動作方面佢會執着，你知佢幾勁。」提到私房菜今日開張，李家鼎表示已有不少Booking：「一路忙到11月，下年1月已經畀人包咗4日。（忙到出年？）想『吞Pop』都唔得！」又指店內VIP房可隔着玻璃觀看煮食過程，還斥資8、9萬找人設計油畫掛在餐廳。