滯留日本機場 港客集郵「攝時間」 杜如風：我係咪咁紅呀？

杜如風昨日到沙田出席旅行社活動宣傳日本熊本縣，身穿紅色裙的她腳踏高踭鞋表現興奮，吸引不少市民圍觀。如風透露早前到了九州拍攝TVB旅遊節目《九州攻略》，當中有一部分跟吉祥物熊本熊互動：「各式各樣嘅對手戲都有，好搞笑，包括跳舞！（你有冇笠佢件衫？）有呀！有去浸溫泉，我係會着衫嘅，就着咗佢嘅卡通睡衣。」

如風透露節目於10月14日播出，現正忙於做後期，講到之前計劃9月才赴日拍攝，她表示因攝製隊太忙碌，因此要提早，即使在旺季也要拍攝，問到會否有太多遊客？她說：「點都有啲，不過好在地方大，人數打散晒。」

買唔到手信

如風表示最難忘是返港當日撞正香港懸掛十號風球，她與一眾遊客滯留機場足足一日，困獸鬥期間，先被一名香港遊客認出，引起一陣哄動，然後大批旅客紛紛要求合照，她說：「所有香港旅客滯留晒喺度，我畀人發現咗，啲人就嘩晒，之後到其他人又嘩，係咁要影相，我心諗我係咪咁紅呀？想匿埋呀！」她笑言可能有部分人不喜歡自己，只是羊群心理「見人影佢又影」，找她來攝時間：「冇所謂嘅，係冇得買手信囉！」問到下次想到哪個地方拍攝？她表示尚未計劃，但想跳出日本到歐洲，因為多靚衫買。

文：影視組