周永恒抵澳洲傳被帶走問話 叔叔周啟生割席：冇同嗰位仁兄聯絡！

有消息指周永恒（Roy）跟一男一女友人在飛抵澳洲的航機上發生問題，據目擊者聲稱有警察突然登機，准許機上其他乘客離開，惟要求Roy等人留下問話，估計三人被帶到機場室內協助查問，事情耐人尋味。Roy昨日凌晨透過微信回覆：「根本無事，多謝關心，如果係真都影咗相啦！我都唔係呢行嘅人啦！」

女友唔夾口供

不過，Roy與聲稱同行的女友Britni「口供唔夾」，皆因Britni前晚稱身在悉尼，又指在機上遇見的只是機場地勤而非警察，若有問題便不能入境。Roy昨日卻自稱在內地，問他到底身在何方？他突然避談：「我喺邊度，我嘅自由。」

叔叔周啟生受訪時被問到Roy的近況，他決絕說：「好耐以前已經冇同嗰位『仁兄』聯絡，將來都唔會有，條界線劃得好清，佢嘅事唔想再同我扯上任何嘢。（因合作問題而不和？）你問佢Daddy，同佢自己啦！」其實兩叔姪在十五年前因薪酬問題而擘面，帶Roy入行兼曾擔任其經理人的周啟生當時表明：「從今日開始再唔係佢經理人。」

反面與老竇有關

不過，Roy三年前發生家暴及婚外情風波時，周啟生只是避談，不似如今擺明「割席」，Roy受訪時暗示導火線是長輩之間的問題：「如果我同我細佬有意見不合，佢都唔會有興趣知我細路仔嘅事，近十年連拜年嘅時候都少見到。」不過，他又稱對阿叔無恨，指周啟生是偶像，很期望叔姪有合作機會。

文：音樂組