陳展鵬旅行着情侶裝
藝人陳展鵬與莊思明（Lisa）等前晚到銅鑼灣出席首飾店開幕活動，曾志偉專誠到場恭賀，但未有受訪便離開。展鵬表示鍾情銀器首飾：「細個經常買，近排少咗，陣間睇吓有冇啱。（睇吓有冇首飾啱送畀單文柔？）我諗佢自己睇會適合啲。（接受到戴情侶首飾、着情侶裝？）睇環境，當街當巷就唔好，旅行嘅話，都幾Sweet sweet！」
至於Lisa坦言考慮與男友楊明同居：「大家有共識想搵個地方，試吓一齊住。家姐（莊思敏）好想我搬，咁佢就可以住晒成間屋，加上我隻狗唔鍾意家姐，我搬就會帶埋隻狗走。（唔怕同楊明同住難？）唔怕，都相處咗段時間。」而楊明出席另一活動時笑指Lisa的父母已交託他照顧女兒：「其實都食過好多次飯，傾咗好多偈，我覺得關係OK！」