張彥博駱胤鳴同床冇反應

藝人張彥博與駱胤鳴（烙印）最近合唱新歌《有種愛情》，日前他們換上多套色彩繽紛的服裝拍攝宣傳硬照，重頭戲就是「床照」！兩人穿上設計獨特的睡衣躺在道具床上，貪玩的兩人竟笑言像「紙紮公仔」！休息期間，烙印不停說話及影相，阿博卻一聲不響，完全沒反應，起初大家以為他只是害羞，後來才發現原來他差點睡着，他笑說：「因為呢排拍劇好忙，難得有張咁舒服嘅道具床，仲可以合埋眼做嘢，所以真係有啲半夢半醒，但又冇真係瞓着，只係盡量閉目養神。」烙印則笑言與阿博有親密接觸時心情激動：「導演要求我哋好似情侶咁自然，佢叫阿博拖住我隻手放喺佢心口，真係搞到我『紅都面晒』！」