馮盈盈卸任不捨 迎新挑戰
即將卸任的上屆港姐冠軍馮盈盈（Crystal），昨日為幸運獲選的佳麗(5)雷莊𠒇試戴后冠。提到卸任在即，Crystal笑說：「好唔捨得，成為港姐係一個好難得嘅機會，希望之後可以接受多啲新挑戰。（但未卸任已經言論大膽？）我講嘢不嬲唔會就住，諗到乜就會分享，希望將來工作種類會再多啲！」
問到身為師姐的她睇好哪位佳麗？Crystal表示：「今年賽制唔一樣，主要係睇佢哋現場表現，(1)何依婷睇佢綵排時表現淡定好有信心，(8)伍樂怡就好有氣質，氣質要見真人先知，果然係好淡定。而(9)金美黎聽講佢網上人氣好勁，幾有親和力！」