湯寶如搵學友再唱舊情
歌手湯寶如（湯記）將於11月15日在九展舉行《湯寶如獨愛音樂25周年演唱會香港站》，日前她露出香肩為個唱拍攝海報。湯記透露今年本來沒想過開騷，笑言不想被人知入行多少年：「尤其是女人，男人就唔緊要，但主辦商勸服咗我。」又表示不想邀請大家會估到的嘉賓，但當然會邀請好朋友，例如黎瑞恩。
談到之前跟王馨平在無綫節目《流行經典50年》合唱《美少女戰士》主題曲引起回響，但當日獨缺周慧敏，問到今次三人可有機會「合體」？湯記說：「睇吓大家時間啱唔啱，時間啱梗係會請，唔啱都冇辦法。」她坦言最想請到的嘉賓其實是歌神張學友，原來除了頒獎禮及寶麗金群星演唱會外，兩人甚少在香港公開合唱《相思風雨中》，她說：「上次20周年演唱會，學友唔得閒冇嚟到，今年佢忙做巡唱，真係好難，但好希望搵到學友做嘉賓。」
預告性感露背
湯記邀得張學潤擔任個唱海報的形象指導，而個唱造型會行型格路線，問可會性感上陣？她指會有少少，笑言若不性感，觀眾不會收貨，而最有信心是露背脊。她又透露為個唱瘦身，已開始吃蔬果餐，大呻辛苦：「冇味，叫檸檬茶都要走甜。（頂唔順？）慢慢嚟，已經瘦咗啲，目標係110磅。」
文：音樂組