鍾采羲坐正 挑戰演精神病患

鍾采羲擁有E Cup導彈身材，在劇集《賭城群英會》中飾演「小西」一角，與身材一樣備受注目，劇集效應令其形象更為入屋！人氣急升自然工作不斷，她一口氣接了兩套內地網劇：「第一套有50幾集，做反派女主角，喺內地拍兩、三個月，角色初頭係奸嘅，後來變好。」

普通話帶鄉音

在成都出生的Iris操得一口流利普通話，北望神州絕無難度，但她卻自嘲講普通話有鄉音：「盡量將普通話講到一啲方言都冇，我依家嘅普通話係有成都鄉音，冇廣東話音，都係唔好聽，要訓練自己講到標準！」

將與陳靜鬥戲

至於另一套網劇會跟同門師姐陳靜合作，並於劇中鬥戲，問到現實中兩人可曾「鬥」過？Iris表示沒有：「都冇一齊做過嘢，出寫真集嗰時又冇一齊，冇比較過。如果要鬥，大把人鬥啦！」Iris指過去沒有好好把握工作機會，之後會更勤力。雖然她覺得拍劇辛苦過拍電影，但可以磨練演技，現時最想演繹精神病人，因為跟現實中的自己完全不一樣，可以闖「癲」峰。

Iris咁靚女，竟然恨做精神病患者。	Iris希望好好把握機會發圍。	鍾采羲在《賭城群英會》中與吳家樂有超激床戲。

文：李惠儀

攝：劉　斌

場地：老鍋台式火鍋