孫耀威同老婆日日頂嘴

歌手孫耀威（Eric）、連詩雅（Shiga）及鄭融，昨日以嘉賓身份出席新人活動。講到之前與老婆陳美詩亮相內地節目合唱，Eric大呻唱一次就夠：「同佢合唱我好緊張，驚佢甩嘴、唔記得歌詞，一唱完就如釋重負！」他透露有其他節目想邀請他們合唱，但他有意推卻，笑言擔心經常夫妻檔放閃，大家會頂唔順，問到兩人可有興趣合作真人騷？他笑說：「大家可能以為我哋好甜蜜，但其實我哋日日都頂嘴，會話『得啦，唔好煩，死開啦！』驚大家幻想破滅咗！」