Naomi夠Fresh唔怕Fat
轉型做美容公司老闆的馮鎵瀠（Naomi）是愛美之人，曾在台灣生活的她，由不下廚變成愛上鑽研煮食技巧、味道及烹調健康菜式，今次她在東網巨星節目《星級煮意》中大顯身手，炮製一道夏天菜式「鮮蝦杧果沙律」，醒胃又清淡，適合追求苗條身形的女士。
性感女星Naomi在新一集「百鶴年橄欖油特約」《星級煮意》中示範「鮮蝦杧果沙律」，菜式靈感來自其模特兒朋友，因她們希望可以保持身形：「我好多模特兒朋友都好為食，但又唔想肥，加上夏天食嘅嘢要夠Fresh，令我諗起整呢味沙律，杧果醒胃再加埋海鮮，非常可口，既健康又飽肚，啱晒愛美女士嘅要求！」
初下廚鑊着火
曾在台灣生活的Naomi，要自行煮食，當中發生過不少蝦碌事，她說：「喺台灣生活嗰段時間，我開始入廚，自己不停嘗試，試過有次倒咗半支燒酒，搞到成個鑊着火，令我非常難忘！」其撚手小菜是炮製不同味道的雞翼，如可樂、蘋果、雪碧、士多啤梨等，非常創新，笑言每位朋友食過都大讚，絕對是色香味俱全。
蝦浸冰水更彈牙
「藍帶廚模」蔣怡（Coco）接受《星級煮意》主持Sara的訪問，Coco為大家提供小貼士，製作蝦時可以不用煎，用水烚也可：「煲滾水，擺蝦仁落去，半分鐘至一分鐘，摸上去開始有彈性、硬硬哋，就可以攞出嚟，跟住即刻浸冰水，咁就可以保持到蝦仁爽脆嘅口感。」
《星級煮意》邀得陶大宇、滕麗名、杜汶澤、陳嘉桓及朱慧敏等先後亮相，其他名人藝人陸續登場示範不同菜式，又有專家提供煮食要訣，娛樂與資訊並重，節目逢星期四更新，大家可透過東網App或東網網頁收看及重溫。
文：專案組
https://goo.gl/pbeaxc