莊思明愛犬呷醋吠楊明
藝人莊思明、阮兒、胡㻗及周志康帶同愛犬出席明珠台節目《狗狗密語》記者會，思明表示愛犬Haru不算難養，未試過跟其他狗打交，但試過畀其他狗打。她又表示愛犬較黐她，男友楊明因對動物毛有敏感，所以很少攬牠。問到愛犬有否呷醋？她說：「試過我坐喺楊明隔籬，佢追住楊明吠。」
思明稱之前養的芝娃娃離開前經常抽筋，曾搵動物傳心術師幫忙：「隻狗話之前做過針灸，做完舒服啲，我有帶佢做，醫生話佢天生有水瘤，要食藥控制。隔咗兩星期，佢同動物傳心術師話好攰，叫我畀佢走。」而阮兒帶同兩隻愛犬到場，她表示未試過動物傳心術。