麥明詩箍牙阻溝仔： 噴飯好尷尬！
法律系出身的麥明詩獲無綫度身訂造角色，首次於新劇中飾演律師，她又透露日前開始箍牙療程，笑言口齒不清會影響異性緣：「同男仔食飯時噴飯會好尷尬！」
麥明詩、黃智賢（Ben）、王君馨、梁烈唯（唯唯）等昨日於將軍澳電視城出席新劇《是咁的，法官閣下》造型，於劇中飾演律師的麥明詩表示角色是其心聲，她說：「我都未做過律師，今次係一次挑戰。（熟晒法律啲詞彙？）都會，但要適應，以前讀書係全英文，依家轉番中文。」提到她口齒不清，她解釋日前去箍牙，坦言未習慣：「訓練唔好咬親自己，食嘢都有困難，呢排都會影響異性緣，同男仔食飯時噴飯就會好尷尬。」
梁烈唯被車撞有後遺症
而此劇男主角Ben則表示等了這個角色兩年，他說：「之前拍完《四個女仔三個BAR》好想再做律師。（做上癮？）我都幾鍾意做，今次個角色都叫『范大狀』，仲有好多素材可以放入律政劇。」
此外，早前拍攝另一網劇《飛虎極戰》被車撞傷的唯唯坦言已康復八、九成，他說：「醫生叫我小心啲，因為會影響康復進度。」他又大爆意外發生後出現後遺症：「依家聽到嘭一聲都會緊張，出事後到依家都冇揸過車。」
文：影視組