上ViuTV《PG Style》傾舊事劉美君陳慧嫻互數前度醜樣

現年52歲的劉美君在ViuTV的音樂特輯中，邀得好友陳慧嫻摸住酒杯底傾舊事，兩人肆無忌憚互彈對方的前度「醜樣」，劉美君更接受新挑戰，化身「戰鬥勇士」潛入公園跳大媽舞；而Gin Lee回憶早年的黑暗歲月，絕望得令她晚晚以淚洗面。

被形容為「最潮嫲嫲」的劉美君（Prudence）參與ViuTV最新炮製的《PG Style》音樂特輯，節目以真人騷手法拍攝， Prudence邀請了同齡兼同公司的閨蜜陳慧嫻一起話當年。兩位美魔女互笠高帽，慧嫻以「咁鬼死靚」來稱讚Prudence，但多年來都有一個疑問，Prudence為何會揀選第一任老公？她笑說：「佢真係比較特別，成個藝術家樣，又長頭髮又好多鬚，帶埋70年代嘅眼鏡，同你完全唔襯，點解咁鍾意佢？」逗得Prudence仰頭大笑。

潛入公園跳大媽舞

同樣讚慧嫻又甜又靚的Prudence「反擊」：「點解你鍾意丁丁（歐丁玉）？好奇怪，我覺得你哋唔襯，等於你覺得我同我老公唔襯一樣。」慧嫻笑言當時覺得丁丁好靚仔，甚至覺得對方有點似譚詠麟，說罷忍不住喪笑。雖然兩人互踩對方的前度「不靚仔」，但亦表示很欣賞前度有才華。熱愛運動的Prudence是瑜伽高手，生活相當有規律。今次她在節目中來一個突擊行動，晨咁早潛入公園與做早操的街坊跳大媽舞，一副戰鬥格的她很快上手，果然是辣媽。

Prudence同公司師妹Gin Lee（李幸倪）亦有參與《PG Style》演出，來自馬來西亞的Gin原來從未試過露營，今次得電視台安排，她可嘗試「享受」這個任務！