翁為德於1989年參選港姐並獲得「最上鏡小姐」名銜，同屆的港姐冠軍是陳法蓉。翁為德身高5呎11吋半，轉型做Model即火速走紅，與名模陳嘉容、黃佩霞、歐陽妙芝和張筱蘭等非常熟稔，移居美國後仍與模特兒好友於社交平台保持聯絡。
陳嘉容表示當時與翁為德最熟，惟對方移居美國後少了聯絡，但每次回港一定約食飯：「佢多朋友，要分早午晚約唔同人食飯。（知唔知佢老公傳出緋聞？）唔知，希望唔係真，其實我哋好少見佢老公。（佢有冇提？）通常都係講老公又拍緊戲，我覺得男人有嘢做係好事，同埋見佢成日上載家庭相，應該唔係真！」而黃佩霞、歐陽妙芝都說冇聽聞過翁為德的婚姻出現問題，張筱蘭表示翁為德回港時有約會，但不便評論別人家事。至於陳法蓉去了歐遊，未有回應。